Friday, December 31, 2010

வருக புத்தாண்டே... வளம்தனைத் தருக புத்தாண்டே.......!

வணக்கம் நண்பர்களே நாம் அனைவருமே புத்தாண்டை (2011) வரவேற்க ஆவலாக உள்ளோம் இந்த தருணத்தில் நமது வலைப்பூ மூலம் உங்கள் அனைவருக்கும் வலையுலகில் என்னோடு சேர்ந்து பயணிக்கும் சக பதிவர் நண்பர்களுக்கும் இதுவரை நமது தளத்தில் 128 பாலோவர்ஸாக சேர்ந்து என்னை பெருமைபடுத்திக் கொண்டிருக்கும் நண்பர்களுக்கும் பதிவுகளை மின்னஞ்சலில் வாசிக்கும் நண்பர்களுக்கும் மற்றும் பதிவுகலக வாசகர்களுக்கும் எனது நெஞ்சார்ந்த இனிய ஆங்கில புத்தாண்டு நல்வாழ்த்துக்கள்


வருக புத்தாண்டே.........

கசக்கின்ற துன்பத்தை எடு
இனிக்கின்ற இன்பத்தை கொடு

அழிக்கின்ற ஆயுதங்கள் எடு
காக்கின்ற கரங்களை கொடு

கெடுக்கின்ற பழக்கங்கள் எடு
வளர்கின்ற எண்ணங்கள் கொடு

அழுகின்ற கவலைகள் எடு
சிரிக்கின்ற மலர்களை கொடு

உதிர்கின்ற நிலைகளை எடு
தளிர்கின்ற மழலைகள் கொடு

அடிக்கின்ற கைகளை எடு
அணைக்கின்ற இதயங்கள் கொடு

சுடுகின்ற தீமையை எடு
குளிர்கின்ற நன்மைகள் கொடு

உழைக்கின்ற குழந்தைகள் எடு
உணர்கின்ற பெற்றோர்கள் கொடு

நடிக்கின்ற அரசியல் எடு
துடிக்கின்ற இளைஞர்கள் கொடு

மடிகின்ற ஜாதிகள் எடு
மறக்கின்ற மனிதத்தை கொடு

இனியும் கேட்டு கொண்டெ இருப்பேன்
எனக்கு எடுத்து கொடு...
வருக புத்தாண்டே..வளம்தனைத்
தருக புத்தாண்டே..!

இளைஞர் படை கொண்டே..தமிழ்
மறவர் துணை கொண்டே.. (வருக)

வறுமை புறமோட..கல்வித்
திறமை வழிகாட்ட.. (வருக)

வயல்கள் கதிரோடி...உயர்
நதிகள் வழிந்தோடி.. (வருக)

ஊழல் வெளியேற..நேர்மைச்
சூழல் உருவாக.. (வருக).


அனைவருக்கும் இனிய ஆங்கில புத்தாண்டு நல்வாழ்த்துகள்..!


கல்வியும் கல்வி சார்ந்தவையும்

இந்திய மொழிகளின் அகராதிகள் தமிழ்,ஹிந்தி, மராட்டி, பெங்காலி என 12 மொழிகளின் அகராதிகள் மற்றும் ஆசியன் ஈரோப்பியன் போன்ற உலக மொழி அகராதிகளும் உள்ளன, ஆங்கிலத்திலிருந்து தமிழ், ஆங்கிலத்திலிருந்து ஹிந்தி இன்னும் பல மொழி மாற்றிகளும்(Translator), தமிழ் மென்புத்தகங்களின் தறவிரக்கம்,அலைபேசிக்கான அகராதிகள் மற்றும் திருக்குறள் போன்ற மென்பொருள்கள், குழந்தைகளுக்கான தமிழ்ப்பெயர்கள், இன்னும் பல செய்தித் தகவல்கள் ஒரே தளத்தில் கிடைக்கின்றன. ஒருமுறை இந்தத்தளம் சென்று பாருங்கள் நிச்சயம் பயனுள்ளதாய் இருக்கும். இந்தத்தளம்பற்றி ஏற்கனவே பல நண்பர்களுக்கும் தெரிந்திருக்கலாம். இருந்தாலும் தெரியாத புதிய நண்பர்களுக்கு பயனுள்ளதாய் இருக்கும் என்பதற்காக பகிர்ந்துகொள்கிறேன்

தளத்திற்கான சுட்டி: http://www.tamilcube.com.sg/

பாராட்டுகளை விரும்பாத மனிதன் இல்லை, அது போல தன் குறையை திருத்த மற்றவர்களுக்கு வாய்பளிக்காதவனும் மனிதனே இல்லை, இதைக் கொஞ்சம் புரிந்துகொண்ட சராசரி மனிதன் நான்.தயவுசெய்து தவறுகளை சுட்டிக்காட்டுங்கள் நிறைகளை பகிர்ந்துகொள்ளுங்கள், சின்ன சின்ன அங்கீகாரம் மட்டுமே மனதிற்கும் வாழ்விற்கும் புத்துணர்வு அளிக்கும்.


வாழ்க வளமுடன்
என்றும் நட்புடன்

உங்கள் மாணவன்