Wednesday, December 15, 2010

எண்ணில் பிறந்த சொற்கள்

ம்மில் பலருக்கும் கணக்கு என்றாலே கசப்புதான் எண்களைக் கண்டாலே சற்று பயம். ஆனால் எண்களை நாம் விட்டு விட முடியாது அவை நமது வாழ்க்கையில் நம்மோடு ஒன்றினைந்து விட்டன. எண்கள் இல்லாமல் எதுவும் நடப்பதில்லை வரவு-செலவு பார்க்கவும், எண்ணிச் சொல்லவும் சிலப் பொருட்களைக் குறிப்பிடவும் எண்கள் தேவையாகத்தான் இருக்கின்றன வேறு சிலருக்கோ எண்களோடு விளையாடுவதில் அலாதி இன்பம் எண்கள் அவர்களின் இணை பிரியாத் தோழர்கள்.

மொழியிலும் எண்களுக்கென்று தனி இடம் உண்டு ஆங்கிலத்தில் எண்கள் இடம்பெறும் பல சொற்கள் புதுப்புது பொருளைத் தருகின்றன அவை எண்களின் உண்மையான பொருளைக் குறிக்காமல் வேறு சில விசித்திரமான பொருளைத் தருகின்றன. உதாரணமாக Eleventh hour என்றால் மணி பதினொன்று என்று அர்த்தமல்ல. ஒரு காரியத்தைச் செய்து முடிக்க வேண்டிய கடைசி நிமிடம் என்பதையே அது குறிக்கும். அந்த நேரத்தில் தோன்றும், அவசரம், பரபரப்பு, கவலை எல்லாமே இந்தத் தொடரில் தொனிக்கிறது. இவை மேலெழுந்தவாரியான பொருளுக்கு அப்பால் ஒரு விரிவான, அழகான, சில சமயங்களில் நறுக்குத் தெறித்தார்ப் போன்ற பொருளைத் தருகின்றன. அத்தகைய சில சொற்களைப் பார்ப்போம்:

First Footer: புத்தாண்டு பிறக்கும்போது வீட்டுக்குள் நுழையும் முதல் நபர்

First Lady: ஒரு நாட்டின் முக்கிய அதிபரின் மனைவி

First String Player: மிகச் சிறந்த விளையாட்டு வீரர்

First Water: மிகவும் உயர்ந்த தரத்திலுள்ள களங்கமற்று ஒளிவிடும் வைரம் அல்லது முத்து

Oner: நிபுணர், அற்புத மனிதர் அல்லது அற்புதப் பொருள்

One horse Town: சிறிய பழைய கிராமம்

One Liner: ஒரு ஜோக், வேடிக்கையான குறிப்பு

Look after number one: பிறரைப் பற்றி கவலைப் படாமல் தன்னைப் பற்றி மட்டுமே அக்கறைக் கொள்ளுதல்

Second Banana: உதவும் நிலையிலுள்ள ஒருவர்

Play Second Fiddle: முக்கியத்தில் இரண்டாம் இடத்தில் இருப்பவர்

Second Sight: உள்ளுணர்வு, தீர்க்கத்தரிசனம்

Second String: மாற்று ஆள்

Second Wind: நீண்ட களைப்புக்குப் பின் ஏற்படும் புத்துணர்ச்சி

Two Faced: ஏமாற்றுகிற, பொய்யான

Two Way Street: வேறு இருவருடைய உதவியை நாட வேண்டிய நிலை

Third Degree: குற்றவாளி அல்லது சாட்சியிடமிருந்து கேள்வி மேல் கேள்வி கேட்டு உண்மையை வரவழைக்க போலீஸ் மேற்கொள்ளும் கடின முறை, சித்திரவதை

Thirds-man: மத்தியஸ்தம் செய்பவர்

Third World: ஆசியா மற்றும் ஆப்பிரிக்காவிலுள்ள முன்னேறாத ஏழை நாடுகள்

Three ring circus: ஏகப்பட்ட வேலைகளால் ஏற்படும் குழப்பமான நிலை அல்லது இடம்

Three Line Whip: சட்டசபை அல்லது நாடாளுமன்ற உறுப்பினர்கள் எப்போது எப்படி வாக்களிக்க வேண்டுமென்று எழுத்து மூலம் வழங்கும் உத்தரவு

Fourth Dimension: காலம்

Fourth Estate: பத்திரிக்கை

Four Eyes: கண்ணாடி அணிந்தவர்

Four Flusher: பிறரை ஏமாற்றுபவர்

Four Letter Word: ஆபாச வார்த்தை

Fifth Column: சொந்த நாட்டிலிருந்தபடியே எதிரி நாட்டுக்காக இரகசியமாக செயல்படும் குழு

High Five: வெர்றியைக் கொண்டாட, வாழ்த்தைத் தெரிவிக்க தலைக்கு மேல் கைகளை உயர்த்தி அடுத்தவரின் உள்ளங்கையில் தட்டுதல்

To Take Five: சில நிமிடங்கள் ஓய்வெடுத்தல்

Sixth Sense: ஐம்பொறிகளுக்கு அப்பால் சில விஷயங்களை உணர்ந்து கொள்ளும் திறன், உள்ளுணர்வு

At Sixes and Sevens: ஒரே குழப்ப மயம்

In Seventh Heaven: பெரு மகிழ்ச்சியில் இருத்தல்

Behind the Eight ball: மிகவும் ஆபத்தான, இக்கட்டான நிலையில் இருத்தல்

On Cloud nine: மிகவும் மகிழ்ச்சியோடு இருத்தல்

Nine day's Wonder: சில தினங்களுக்கு மட்டுமே மிகவும் பரபரப்பை ஏற்படுத்தும் நிகழ்ச்சி

Dressed (up) to the nines: மிகச் சிறந்த உடைகளை அணிதல்

Ten to one Chance: அனேகமாக நடக்காது

Be ten a penny: மிக மலிவானது, சாதரணமானது

Ten Strike: பெரிய அதிர்ஷ்டம்

Eleventh hour: கடைசி நிமிடம்

Talk nineteen to the Dozen: நிறுத்தமால் தொடர்ந்து பேசிக் கொண்டிருப்பது

Thirty Something: சுமார் 30 வயதுடைய நன்கு படித்த நல்ல நிலையிலுள்ளவர்

Forty Winks: உணவுக்குப் பின் ஒரு குட்டித் தூக்கம்

Go Fifty Fifty: பதிக்குப் பாதி பகிர்ந்து கொள்ளுதல்

64 Thousand dollar question: மிக மிகக் கடினமான கேள்வி

Look like a million dollars: மிகக் கவர்ச்சியாக காட்சி அளித்தல்

Last ditch Effort: இறுதி முயற்சி

Last straw that breaks the camel's back: பொறுமையின் எல்லை

Last Word the: மிக மிகச் சிறந்தது அதி நவீனமானது

இந்த பதிவு எழுத காரணமாய் அமைந்த அனைத்து ஆக்கங்களுக்கும் படைப்பாளிகளுக்கும் எனது மனமார்ந்த நன்றியினை தெரிவித்துக்கொள்கின்றேன்!

கற்போம் கற்பிப்போம்

நண்பர்களே இந்த பதிவு பிடித்திருந்தால் தயவு செய்து மறக்காமலும் அலட்சியப்படுத்தாமலும் உங்கள் வாக்குகளை இண்ட்லியிலும் தமிழ்மணத்திலும் பதிந்து செல்லுங்கள் மேலும் பலரை சென்றடைய உதவியாய் இருக்கும் நன்றி..! உங்களது கருத்துக்களையும் பதிவு செய்யுங்கள்

பாராட்டுகளை விரும்பாத மனிதன் இல்லை, அது போல தன் குறையை திருத்த மற்றவர்களுக்கு வாய்பளிக்காதவனும் மனிதனே இல்லை, இதைக் கொஞ்சம் புரிந்துகொண்ட சராசரி மனிதன் நான்.தயவுசெய்து தவறுகளை சுட்டிக்காட்டுங்கள் நிறைகளை பகிர்ந்துகொள்ளுங்கள், சின்ன சின்ன அங்கீகாரம் மட்டுமே மனதிற்கும் வாழ்விற்கும் புத்துணர்வு அளிக்கும்.

வாழ்க வளமுடன்
என்றும் நட்புடன்
உங்கள் மாணவன்