Wednesday, September 21, 2011

வரலாற்று நாயகர்கள் பாகம் ஒன்று - உங்களுக்காக மின் புத்தக வடிவில்!

வணக்கம் நண்பர்களே, எனது வலைத்தளத்தில் (http://urssimbu.blogspot.com/) வரலாற்று நாயகர்கள் என்ற தலைப்பில் காலம் கடந்தும் வரலாறு நினைவுகூறும் மாமனிதர்களின் வாழ்க்கை வரலாற்றை பதிவு செய்து வருகிறேன். இந்த பதிவு எழுத முக்கிய காரணம் எனது பள்ளிப்பருவ காலத்திலிருந்தே அறிவியலிலும் வரலாற்றிலும், வரலாற்றில் தடம்பதித்த மாமனிதர்களின் வாழ்க்கை நிகழ்வுகளை தெரிந்துகொள்ள வேண்டும் என்ற ஆர்வமும் ஈடுபாடும்தான், அதன் வெளிபாடுதான் இதுபோன்ற மாமனிதர்களின் வாழ்க்கை குறிப்பு தகவல்களை சேகரித்து பதிவு செய்ய வேண்டும் என்ற எண்ணமும் ஆவலும் உதித்தது, 

வரலாற்று நாயகர்களின் தொகுப்பில் இதுவரை 35 வரலாற்று மாந்தர்களின் வாழ்க்கைக் குறிப்புகளை பதிவு செய்துள்ளேன். நண்பர்கள் மற்றும் ஆசிரியர் சிலரின் வேண்டுக்கோளுங்கினங்க வரலாற்று நாயகர்கள் தொகுப்பில் முதல் 25 மாமனிதர்களின் வாழ்க்கை குறிப்புகளை சேர்த்து முதல் பாகமாக PDF & FLASH ஃபைல் வகை ஃபார்மட்களில் தயார் செய்து மின் புத்தக வடிவில் உருவாக்கித் தரவிறக்கிக்கொள்ள இணைப்புக்கொடுத்துள்ளோம். எனது இந்த சிந்தனைகளுக்கு சிறப்பாக செயல்வடிவம் கொடுத்த அன்பின் நண்பர் எஸ்.கேவுக்கு நெஞ்சம் நிறைந்த நன்றிகள்! (மின் புத்தக வடிவ உதவி நன்றி - நண்பர் எஸ்.கே அவர்கள்)

வரலாற்று நாயகர்கள் (பாகம் - 1) தரவிறக்க இங்கு செல்லவும்.

வரலாற்று நாயகர்களின் தொகுப்புகளில் என் இதய எண்ணங்களை எழுத்தாக்கி பதிவு செய்ய அனுமதி தந்து வாழ்த்துரை நல்கிய சிங்கப்பூர் ஒலி 96.8 வானொலியின் படைப்பாளர் நண்பர் திரு.அழகிய பாண்டியன் அவர்களுக்கும், மற்றும் ஒலி 96.8 வானொலிக்கும், வழியெல்லாம் வழிகாட்டியாய் நின்று என்னை ஊக்கப்படுத்திக்கொண்டிருக்கும் அனைத்து அன்பு நெஞ்சங்களுக்கும் எனது இதயத்தின் அடித்தளத்தினின்று உதயமாகும் அன்பின் நன்றிகளை காணிக்கையாக்குகின்றேன்.

ஆண்டுகள் பல கடந்தும் வரலாற்றில் நிலைத்து நிற்கும் அறிஞர்களின் வரலாறுகளை படித்து அவர்களைப் போல மாறவிட்டாலும் கூட அதிலிருந்து நல்ல விசயங்களை கற்றுக்கொள்ளவும், முக்கியமாக வாழ்வில் தன்னம்பிக்கை அளிக்கவும் இந்த வரலாற்று நாயகர்களின் வாழ்க்கைக் குறிப்புகளின் தொகுப்பு உங்களுக்கு உதவும் என நம்புகிறேன். வரலாற்றில் தடம் பதித்த மாமனிதர்களைப்போலவே உங்கள் வாழ்விலும் தன்னம்பிக்கையோடும் விடாமுயற்சியோடும் தொடர்ந்து போராடுங்கள். நீங்கள் விரும்பும் இலக்கை அடைந்து, வசப்படுத்த விரும்பும் வானத்தில் மகிழ்ச்சியாக சிறகடித்துப் பறக்க வாழ்த்துக்கள்!
நட்புடன்...
- மாணவன்(சிலம்பு)